Padayon karon ang rehabilitasyon ug pag-ayo sa mga bridges ug spillways nga naguba ug naapektuhan sa pag-agi sa Bagyong Tino.

Sa paningkamot sa atong lokal nga kagamhanan sa pagpangulo ni Mayor Jose Chubasco B. Cardenas, gisiguro nga mapadali ang pag-ayo sa mga dalan ug imprastraktura aron mabalik dayon ang hapsay, luwas, ug sayon nga pagbiyahe sa katawhan. Ilabi na kini kaimportante sa pag-transport sa atong mga utanon ug mga produktong agrikultural nga maoy usa sa pangunahing panginabuhian sa daghang sa syudad sa Canlaon.

Bisan pa sa mga hagit nga nahibilin human sa bagyo, nagpadayon ang atong mga personnel ug mga trabahante sa ilang dedikasyon aron masiguro nga matag lugar nga naapektuhan matagaan dayon og aksyon ug hustong pag-atiman.

Nagahangyo usab kami sa inyong pasensya, pagsabot, ug padayon nga kooperasyon samtang ongoing pa ang mga rehabilitation works. Ang kaluwasan ug kaayohan sa matag usa, magpabiling prayoridad sa atong lokal nga panggamhanan.

SALTA Canlaon